~Pesta Minggu Wanita...

TATA IBADAH

MINGGU/PESTA WANITA GKPS RAYA TIMURAN

Raya Timuran, 06 Maret 2011

Thema                          : “Hita do Saksini Kristus”   (Lahoan ni Apostel 1 : 8 )

Sub Thema                   : “Pasirsir Hita ma Kuria in Ase Matoras ibagas

    na Mandalankon Pandiloon ni Tuhan”

    (Efesus 4 : 14)

  

I.                Paledium

-                 Persiapan / Paratahkon Tata Ibadah

-                 Tonggo pribadi

-                 Prosesi memasuki ruangan ibadah (Jongjong kuria)

-                 Song Leader mandodingkon:

“Bapa kupersembahkan Tubuhku”

Bapa kupersembahkan tubuhku s’bagai persembahan yang hidup, kudus

dan berkenan kepadaMu, sebagai ibadah yang sejati

Ku sembah kau Tuhan, ku sembah Ku Yesus

Kuserahkan hidupku kepada-Mu, untuk memuliakan nama-Mu.

II.              VOTUM – INTROITUS – TONGGO

P           : Ibagas uhur na martarima kasih hubani Tuhan, pungkah hita ma kebaktianta : 

               Ibagas goranni Naibata Bapa, Anak ni Tuhan Jesus Kristus ampa Tonduy Napansing.

                Amen

J            : (Mandodingkon) Puji ma Tuhan, Puji ma goran ni in, Puji ma Tuhan simada goluh on

P           : Pindahi ma hapentaran, ulang lupa ho pasal ai, ulang manlembang humbani  pamangan-Hu
               ( Podah 4 : 5 )

K           : Porini ahu, Naibata do hupindahi, hubani Naibata do ondoskononku parniahapanku 
                ( Job 5: 8)

P           : Martuah do jolma na dapotan hapentaran, ampa jolma najumpahan pangarusion.

                Haleluya

P+K     : (Mandodingkon logoni songon Hal. No.343)

     Haleluya – Haleluya – Haleluya – Amen

     Haleluya – Haleluya – Haleluya – Amen

P     : Martonggo ma hita : Ham Tuhan Naibata na marholong ni atei, roh do hanami hu lobei-Mu, padashon puji-pujian pakon tarima kasih nami, marhitei na iahapkon hanami baggal ni idop ni uhur-Mu, namanramotkon goluh nami. Sadarion bani pesta/minggu Wanita GKPS na pa 53 tahun kon, riap do hanami kuria-Mu marmalas ni uhur, marhasadaon mamuji goran-Mu. Ibere Ham do hajorgiton ni daging pakon Tonduy sonai hasadaon ni uhur, Halani ai patalup janah papansing Ham ma ibadah parsaoran nami sadari on, gabe hamulian ni goran-Mu. Amen

2. Mandoding Hal. No.,451 : 1 + 3

Sihol do uhurhu patimbulhon Ham Jahowa

Napagoluhkon au pardousa

Sanggah na hudilo goran-Mu lao mangurupi

Sirsir do Ham roh mambalosi

Itogu Ham do au humbai lombang bagas

In ma ianan hagolapan sai boban Ham ma

Au hu nagori atas ase tong-tong marhasonangan

                      Ham do patorsohan pardalanan ni goluhku

                      Ase ulang ahu tarbador

                      Ham do parlingodan dolog batu bahen gantarhu

                      Ase boi au marmalas ni uhur

                      Itogu Ham do au humbani lombang bagas

                      In ma ianan hagolapan sai boban Ham ma

                      Au hu Nagori atas ase tong-tong marhasonangan

3. TONGGO MANGINDO HASASAPAN NI DOUSA

     (Riap ma hita jongjong)

P         :  Nasiam Bapa, Inang, Namaposo, anggo ipingkiri janah iparuhurhon hita pardalanan ni goluhta, gati do hape taruyun hita hubagas dousa, Dousa dompak dirinta sandiri, dompak hasoman, dompak tinompa na legan, tarlobih ma dompak Naibata. Dear ma hita manrogop, mansopotkon dousanta in hubani Tuhan Naibata

Bapa      :  Ale Jahowa Naibata nami, roh do nuan hanami hu lobeiMu, buei do tongon dousa na ihorjahon hanami selaku Bapa, marhitei namansuhuni  hisap hisap ni daging. Holong ma Ham Tuhan, pahombun Ham ma uhurMu mangidah hanami, sasap Ham ma dousa nami-----------saat teduh-----(organ ½ suara, Hal.353)

Inang     :  Tuhan panorang on domma 53 tahun hajongjongan ni  Inang na gabe seksi Wanita i GKPS. Tapi lape jumpah songon na hinarosuhkon ni uhurMu, jenges ni paruhuran, pambahenan, sonai hasadaon nami. Gati ope jumpah humbennami uhur subil, domdom, na mambahen hanami daoh humbani hataMu. Namangaku do hanami, gati ope hanami Inang on mambahen pusok uhurni paramangon nami, lang idingat hanami tanggung jawab  nami laho mangajari, mamodahi niombah nami bani hataMu. Ajari Ham ma hanami ase iapataridahkon hanami goluh na parohkon pasu-pasu, Holong ma Ham, sasap Ham ma dousanami in  -----------saat teduh-----(organ ½ suara, Hal.353)

Niomah  : Ham Tuhan nami, domma ipabotohkon Ham harosuh ni uhurMu, sonai age hagigiMu huban  nami, in ma marhitei titahMu, Tapi lang ihorjahon hanami selaku niombah, in ma tanda ni lape sintong panandaian pakon haporsayaon nami hu bamu. Holong ma ateiMu, sasap Ham ma dousanami. -----------saat teduh-----(organ ½ suara, Hal.353)

P + K        : Ham Tuhan nami mangaku do hanami i lobeMu, bani dousa pakon panlanggaron nami. 
                    Holong  ma Ham. Sasap Ham ma dousanami janah papansing ham ma hanami

P            :  Tangar hita ma hatani Naibata bagah-bagah pasal hasasapan ni dousa. Martuah ma halak na
                  dob sinasap panlanggararonni, na dob nirungkup dousani. Martuah ma halak anggo 
                 seng ihira jahowa bani hajahaton, Hasangapon ma bani Naibata nai babou, Amen

4.KOOR

5. Mandoding hal. No. 343 : 1 – 3

    Banggal tumang do holongMu, pabayu goluhkon

    Nadoyuk kahou magou ahu, hape maluah do

Dob hutandai diringkin, megah ma uhurhin

Salosei hape utangkin, ibahen layak ni in

   Bani lombang hamagouan in. tarsangkut au ijin

   Ai idop ni uhurNi in, magou au hanjin

6. HATA HAPORSAYAON

(Riap ma hita jongjong, saksihon hita ma hata haporsayaonta in songon nasinaksihon ni haganup halak naporsaya bani sab tanoh on)

Ahu porsaya...psb

7. Mandoding hal. No.300: 1+2+3

  Paubah ham uhurmu bapa, porsaya sirahanan

  Porsaya bani Jesus Bapa, se dapot hasonangan

  Banggal do, banggal holong ni Tuhanta bapa

  Mambere hasonangan

Paubah ham uhurmu inang, sedihut ham maluah

Porsaya bani Jesus inang, se dihut ham martua

Banggal do, banggal ringis ni Tuhanta inang

Bai na so ra marubah

Paubah uhurta ale, na sombah ma Tuhanta

Harga hita itobus ale, sai ulang namin soya

Abakkon, abakkon namanpansing ale, galangan bai Tuhanta

(Ayat 3 hulobei 5 halak Inang mambahasahon podah 31 : 10-31)

8. MAMBASA PODAH 31 : 10-31

9. KOOR

10.VOCAL GRUP

11.Mandoding hal.102 : 1-2

Ham tong-tong ihutkononku, Jesus sipaluah ahu

Seng anjai tadingkononku, ham napaluahkon au

Humbai ganup dousangku, pakon humbai uhum in

Natong-tong habiaranku, ibaen pardousaonkin

Ai ija ma jumpahan ahu, sada Tuhan songon ham

Namanogu-nogu ahu bai nasonang songon Ham

Namanaron hamateian lao mangkopkop tonduy hin

Ase masuk au manean ugas sisurungan in

12.ACARA KHUSUS PESTA / MINGGU WANITA

1. Mambasa Surat Tongosan

2. Vocal Grup

3. Puisi

4.Tonggo Syafaat

5.Koor

13. Mandoding Hal. 264L: 1 + 3

Sada do naporlu bangku, Jesus bere Ham ma au

Atap aha do nadong bangku, seng na boi pasonang ahu

Ge arta ge sangap, ganup habayakob, seng boi in mamboban au bai hasonangan

Ai anggo madapot nasasada in, sai marmalas uhur hu hinirhon ni in

Si Maria usihanku manangihon hata-Mu

Siho lma, ale Tuhanku, hundul au ilambung-Mu

O Jesus Tuhanku, pasada uhurhu

Paluah ma au humbai ganup dousangku

Sai Ham ma ompungan ni ahu tongtong

Sai Ham ma manggoki uhurhu tongtong

14. AMBILAN ( Lukas 10 : 38 - 42 )

15. MANGGALANG

P       : (paima ipatuppu hita galanganta, tangar hita ma lobei hata ni naibata na gabe onjolan banta na laho manggalang.

                                      Song Leader: Diatei tupa ma, sombahku hu bamu Tuhan, halani holongMu, ham parsimada au, Huboban hu Bamu daging ‘pa tonduy hon nagabe galangan parsombahon bamu

     Lang dong natarbahen au, na patut hu bamu ai pitah on Tuhan natargalangkon au, Hupindo hu bamu, sai holong ateiMu, sai jalo ham Tuhan galanganku on, sai pake Ham ma au gabe parugasMu, sadokah goluhku

16. TONGGO GALANGAN – PASU – PASU

P                   : Riap ma hita jongjong, Martonggo ma hita mangondoskon galanganta hubani Tuhan Naibata

P                   : Ham Bapa nami nai nagori atas....psb

P + K            :  Ai ham do simada harajaobn.... psb

                         Ham Tuhan Bapa nami, roh do hanami mangondoskon galangan, diri nami hu lobeiMu

K                   : On ma buah ni horja nami napinasu-pasuMu,

P                   : Jalo Ham ma galangan nami on, ajari Ham ma hanami manjojei aha na dong ban nami, bahen   hatotorsa ni horja hasaksion, hasadaon pakon pangidangion nami i tongah-tongah ni kuriaMu, baen hasangaponMu, ibagas goranni AnakMu Jesus Kristus Sipaluah hanamim, Amen

K                   :  (Mandoding) : Ganup binereMu in Tonduy pakon Angkulangku.....psb

P                   :  Jalo hita ma pasu-pasu humbani naibanta........,

                       (Agenda)

17. ACARA PERAYAAN

      - Buha Sahap Pengurus Wanita Jemaat

      - Lelang Acara Ulang Tahun iatur tersendiri (anggo dong)

Selamat Pesta / Minggu Wanita GKPS Pa 53 tahunkon ma banta haganup

Tuhan Yesus Memberkati

Syaloom

PUISI “INANG”

Sanggah sogod ni Ari

Hukawahkon haganup, sanggah sinok ope modom,

Huidah Ham inang

Hundul bani podoman Mu, marlompit tangan, paunduk simanjujung,

Nanget – nanget, narus-narus lang tarbogei soramu

Martonggo hubani Tuhan, manonggohon goluhmu, horjamu

Haganupan niombahmu

Na dohor ge na daoh hu lambungmu

Inang... hukawahkon bohimu, hundul tariluh do ham

Iluh na gok pangarapan

Namangarapkon hanami niombahmu

Ase marparlahou nabujur, pantun, janah harosuh

Inang.... gati do hudingat podah mu

Ningon martonggo ponghut sonai do nimu

Sari ma habotohobn, ulang lembangi hapentaran

Tongon, ase jumpah hadearon ni goluh

Inang... ham do harapan ni niomabhmu

Namansarihon, napasungkuphon naporlu bannami

Perjuanganmu, pengorbananmu, lang ongga soh

Ham do nakhoda, namamboban hanami das hutujuan

Age pe gilumbang ilobei nami

Kehadiranmu totap padameihon uhur nami

Tuhan urupi, pargogohi, pasu-pasu Ham ma haganup Inang

Laho mamboban, mangajari keluarga mananda marbanggal ibagas hataMu

 

Selamat ulang tahun ma bani Inang haganup, AMEN