BAHAN PEMBINAAN PASAL IBADAH:
GALANGAN
PINASIRSIRNI: POKJA TAHUN PWG GKPS 2011
Parlobeini
Hatarimakasihon ampa puji-pujian hubani Naibata, ai do na gabe tujuanni haganup sibere-bereni kuria. Halani ai galangan pataridahkon ianan na lang boi isirang humbani ibadah Kristen. Aido ase pangarusion pasal galangan maningon do terus menerus manjadi pemahaman na berkelanjutan hubani haganup warga GKPS ase marhiteihonni ai haganup pagori ni GKPS boi mangarusi teologi galangan na sintong domu hubani konteks na adong i GKPS. Marhitei Tahun Pembinaan Warga Gereja GKPS tahun 2011 on iharapkon do homa terjadi “lompatan Iman “ ni haganup warga GKPS napataridahkon gaya hidup na berubah secara mendasar ase boi manjadi saksi ni Kristus. Salah sada hataridahanni perubahan gaya hidup secara mendasar aima marhitei na dob itombei ibagas dirinta dasar teologis na kokoh dalam rangka kesaksian hubani dirinta sandiri ampa kesaksianta dompak darat. Gereja bani haganup kegiatan mamorluhon dana. Sumber dana ni haganup kegiatan aima hasirsironni haganup anggota kuria laho mambere partisipasi na igoran hita galangan. Marhitei galangan hita gabe hasoman sahorja ni Naibata na berperan ibagas pangidangion. Halani ai hakekatni galangan aima itujuhon hubani Tuhan sandiri (Mateus 25:40; 2 Musa 25:4-5, 21, 29).Halani ai haganup do sipardihut bani kewajiban manggalang.
Nini 1 Korintus 16:2 pakon 2 Korintus 7:9; siap ari minggu ma ganup nasiam papuligkon sibar na tarbahensi anjaha ganup do ningon mambere humbani jinuljul ni uhurni, ulang ma humbani borat ni uhur atap halani paksa.
Halani ai galangan ningon do hataridahanni panjaloonta pasal pasu-pasuni Naibata. Halani galangan dihut do homa gabe hataridahanni na dob buei janah gok do ijalo hita pasu-pasu-ni Tuhan.
Bani Rencana Strategis ni GKPS tahun 2011-2015 bani sub bidang pengelolaan dana isobut do na gabe target na sihol iwujudnyatahon aima ase GKPS: (1) mandiri dalam dana, (2) arus dana (cashflow) sehat. Na gabe strategi laho mandalankon on isobut do namarpardomuan hubani galangan aima ase tanggung jawab ampa partisipasi ni jemaat meningkat bani piga-piga pahara aima:
- Persembahan kebaktian
- Pesta olob-olob
- Persembahan tahunan
- Persembahan syukur
- Perpuluhan.
Marhitei materi pembinaan na ibahen Team Kelompok Kerja (POKJA) Tahun PWG GKPS 2011 on, iharapkon do ase dihut materi on gabe bahan “sisahapkonon” I tongah-tongah ni kuria dalam rangka patongahkon pangarusion na sintong pasal galangan. Pangarusion na sintong ai manjadi sada daya dorong na manggoluh bani haganup pagori kuria ni GKPS. Anjaha daya dorong na manggoluh ai manjadi gaya hidup na koskos ijolom haganup warga GKPS na bani ujungni pataridahkon sikap iman na “mar-galangan” sadokah hita manggoluh. Gaya hidup “na margalangan” on do na ipataridahkon Tuhan Jesus sadokah goluhni na gabe usihonta.
Bani materi pembinaan na sederhana on na sihol luar humbanta aima pemahaman na mambobai bani gerak hidup na ipraktekhon ibagas ibadah ampa mewujudnyata bani goluh si ganup ari bani 3 pahara aima: (1) aha do galangan? (dasar teologis) (2) Motivasi mambere galangan, (3) Sikap mambere galangan. Marhitei 3 (tolu) pangarusion on iharapkon do ase tanggung jawab ampa partisipasi ni warga jemaat lambin terbuka laho mambere galangan ibagas pangarusion na sintong.
Hatorangan
1. Aha do galangan?
Bani Padan Nabasaia adong do piga-piga istilah laho manobut galangan.
Na parlobei aima hata “aparche” na mararti mambere galangan hubani Tuhan humbani buah parlobeini omei, anggur, minak, manisan ampa sagala masamni hasil juma.
Napaduahon aima hata “ terumah” na artini membere galangan humbani hasil ni juma namarrupa duit atap materi na igalangkon bani panorang upacara-upacara ibadah na iberehkon hubani malim-malim ampa hubani halak Lewi.
Na patoluhon aima hata “hatta’t” na artini galangan na igalangkon bani anjap-anjap laho papansingkon anjap-anjap ampa galangan laho manasap dousa.
Na paopatkon aima hata “asam” na artini aima galangan laho manobus salah bani dousa na ihorjahon sasahalak.
Na palimahon aima hata “olah” na secara umum gati iterjemahkon sebagai galangan situtungon na igalangkon bani anjap-anjap na martujuan laho pasangapkon ampa pasonangkon (menyenangkan) uhurni Naibata.
Na paonomhon aima hata “selamim” na artini aima galangan hatarimakasihon.
Humbani pangarusion in taridah janah boi hatahononta paboa manggalang ampa galangan bani Padan Nabasaia aima hasil-hasil pertanian, duit, ampa pinahan na igalangkon hubani Tuhan.
Mararti do homa ai ijin sidea mambere galangan hubani Naibata, otomatis do ai manjadi parbagiananni Naibata na maningon iramotkon ampa ikelola ibagas na dear.
Bani Padan Nabaru jumpah hita do homa istilah pasal galangan. Na buei iterjemahkon ampa ipakei aima istilah “tusian” na iterjemahkon marhitei galangan na marrupa hasil juma, duit sonai homa galangan situtungon (pinahan). Bani Epesus 5:2 isobut do paboa Tuhan Jesus domma manggalangkon hosahni na gabe galangan na misbou bani Naibata.
Mararti do ai Tuhan Jesus domma pataridahkon pemahaman na baru pasal galangan aima mamberehkon dirini sandiri ampa haganup na adong bani laho pasaudkon harosuhni Naibata ampa mandalankon haganup rencanani Naibata. Pandapot na legan pasal galangan on aima songon na isuratkon Johannes Chrysostomus:
“Bani ari Minggu patut do haganup jemaat patumpuhon galangan, halani bani panorang ai ilayak-layakhon Naibata do hubanta idopni uhur na lurlur, sonai homa bona ampa mulani haganup pargoluhanta, aima bani panorang parpuhoonni Tuhan Jesus. Haganup ma ningon mambere galangan, na bayak, na masombuh, dalahi, naboru, tuan ampa jabolon, namatua ampa namaposo, buei atap otik pe jumlahni”.
Martin Luther ongga do manuratkon sada surat hubani Sixt Oelhafen:
“I huta nami ampa bani buei huta na legan talar do kemiskinan besar, halani ai lang sanggup hanami mangatasi haganupan on, halani hanami pe lang marhasukkupan. Anggo masa do torus kemiskinan on, ningon hubahen do homa songon na binahenni Apostel Paulus hubani kuria Korintus ase marhiteihonni ai husuratkon tulisan umum na sihol hualamatkon hubani halak na bayak sambil manedek hubani sidea na masombuh na mangindo pangurupion bennami na marhahurangan homa”.
Humbani dua hasaksian in, taridah do sonaha peran penting ni galangan ni halak Kristen napataridahkon bentukni haporsayaon na gok ibagas idop ni uhur na humbani Naibata, sonai homa sada sikap hidup na marhitei galangan na ibere hita boi mangurupi sidea na marhahurangan.
Sonai homa galangan na ijalo hita aima hataridahanni hasadaon, kebersamaan, kepedulian ampa si sada angkula pakon halak na porsaya nalegan. Mararti do homa ai marhitei galangan taridah do dimensi teologis ampa dimensi rohani na luar humbanta hataridahanni panandaion nasintong bani karya nyata na dob ihorjahon Tuhan Naibata hubanta. Janah na binahenni Naibata ai aima hubani haganp pargoluhanta na mararti do homa, marhitei galangan na iondoskon hita aima hataridahanni haganupan hadirionta na utuh ampa lengkap ilobeini Naibata.
Nini Haleluya GKPS No. 281:5:
Bamu o Tuhan manombah au on, Bamu ganupan na dong bangku on. Seng bulih be sirang na rapat Bamu; martuah sai sonang na roh huBamu.
Humbani isi ni doding in taridah paboa domma humbani na ijia nari GKPS mangakuhon paboa haganup na dong banta aima humbani Naibata ampa hubani Naibata do iberehkon hita ganup na dong banta, janah ibagas persekutan na rapat pakon Naibata ijai do jumpah hita hasonangan. Taridah hunjin sada teologi persembahan na mendasar humbani warga GKPS na mangakuhon paboa manggalang aima bagianni parsombahan hubani Naibata.
2. Motivasi ibagas na manggalang
a. Ahado na memotivasi bangsa Israel mambere galangan?
Pahara on berhubungan do hubani parpadananni Naibata pakon bangsa ai. Sebagai bangsa na pinilihni Naibata, Bangsa Israel ningon mambere galangan hubani Tuhan songon nadob iaturhon bani Titahni si Musa. Mambere galangan aima sebagai ucapan syukur halani domma ipaluah Naibata sidea humbani parjabolonanni Masir. Halani ai aspek galangan berhubungan erat do pakon pembebasan na jumpah sidea humbani Naibata. Sebagai bangsa nadob ipaluah Naibata, bangsa Israel ningon totap do mambere galangan songon na dob iaturhon ibagas Titahni si Musa. Bangsa Israel ningon do manjaga hapansingonni sebagai bangsa ni Naibata marhitei na patuh sidea hubani aturanni si Musa.
b. Bani 2 Korintus 8 secara jelas domma ipatorang Paulus na manjadi dasar teologis ni panggalangon.
Patumpu galangan aima martujuan laho pasadahon na mambere ampa na manjalo ibagas ucapan syukur hubani Naibata halani idopni uhur na dob ilayak-layakhon hubani sidea haganupan dalam rangka mansukkuphon kebutuhan Jemaat Kristen na marsitaronon, ampa ipabayak marhitei hasombuhonni Kristus. Halani ai humbani 2 Korintus 8 ipasaksak Paulus do motivasi na jenges ibagas na manggalang aima pertukaran sukaria na ija iojur do ase kuria in dihut ibagas karya pelayanan kasih hubani na marhahurangan. Idopni uhur ni Kristus mambahen mungkin terjadi ‘pertukaran sukaria’ (Martin Luther) aima antara habayakonni Kristus ampa hasombuhonni hita jolma. On ma dalan penyerahan diri na idalani Tuhan Jesus na ijuljul idopni uhurni Naibata na bayak. Marhitei holongni Naibata na bayak in, itobus do hita humbani kemiskinan mendasar, aima na gok ibagas dosa, ipadaoh humbani idopni uhurni. Manjadi sombuh do Kristus laho pabayakhon hita nasombuh on baik secara jasmani ampa rohani. Ase nini Tuhan Jesus do ani Johannes 10:10b”: roh do ahu ase dong hagoluhan bani sidea, anjaha marlobih-lobih. Halani ai taridah do motivasi pertukaran malas ni uhur on marhitei na dihut hita berpartispasi bani pelayanan kasih, aima patumpuhon galangan na marhiteihon galangan na ipatumpu hita boi do dihut ai mendukung ampa mangurupi na ibagas hahurangan ampa manoruskon buei kegiatan i kuria.
c. Idop ni uhur na bayak.
Bonih ampa limbuah ni horja aima hasil gogohni Naibata naa marhorja bani haganup horjanta. Naibata domma manlayak-layakhon hubanta buei pasu-pasu ase goluhta on marhasukkupan. Halani ai kegiatan na marpardomuan hubani na patumpuhon galangan aima kegiatan ampa pasu-pasu ni Naibata na marbuahkon limbuah na ramos. Tindakan pasu-pasuni Naibata na bertekad laho manlayak-layakhon ampa mamberehkon haganup na jenges na adong bani Naibata aima dalam rangka pabayakhon hita jolma ase margogoh ampa marhatalupan laho dihut homa mambagihon idop ni uhur ai hubani hasoman irik mangkatahon tarimakasih bani idop ni uhur na dob ijalo hita humbani Naibata. Halani ai marhitei tindakan na patumpu galangan taridah ma sada dinamika kehidupan na bertitik tolak humbani idopni uhur ni Naibata na pabayakhon halak Kristen ase sanggup marsibere-bere ibagas malas ni uhur, ampa totap ibagas uhur na paulakhon haganup na dong bani Naibata sebagai sibere pasu-pasu.
Halani ai motivasi ibagas na manggalang aima pataridahkon dua hubungan na erat aima Naibata domma bertindak ibagas idopni uhurni na mambohali hita ibagas kelimpahan janah balosta aima lang manimpan haganup na humbani Naibata ai tapi menyalurkan pasus-pasu na nidapot.
d. Proaktif, sedo Determinisme
Penjelasan pasal pengertian “proaktif” lang pitah sekedar dorongan hati laho mangkorjahon horja. Tapi lebih menekankan inisiatif na idasari tanggung jawab moral ase marhitei tindakan ai muncul sada keputusan ampa tindakan luhur. Sikap proaktif aima sikap na mengandung respon pakon kemampuan mangkorjahon horja ibagas tanggung jawab. Bani Bahasa Inggris isobut do bentukan kata “tanggungjawab” (responsibility) na marasal humbani hata “respon” ampa “ability” na memampuhon sasahalak laho proaktif bani sagala situasi. Halani sidea mampu mambere respon, jadi sidea aima pribadi na mampu memilih humbani bagei kemungkinan na tersedia laho ibahen gabe dasar moral bani keputusan ampa pambahenan.
Penjelasan pasal pengertian “proaktif” lang pitah sekedar dorongan hati laho mangkorjahon horja. Tapi lebih menekankan inisiatif na idasari tanggung jawab moral ase marhitei tindakan ai muncul sada keputusan ampa tindakan luhur. Sikap proaktif aima sikap na mengandung respon pakon kemampuan mangkorjahon horja ibagas tanggung jawab. Bani Bahasa Inggris isobut do bentukan kata “tanggungjawab” (responsibility) na marasal humbani hata “respon” ampa “ability” na memampuhon sasahalak laho proaktif bani sagala situasi. Halani sidea mampu mambere respon, jadi sidea aima pribadi na mampu memilih humbani bagei kemungkinan na tersedia laho ibahen gabe dasar moral bani keputusan ampa pambahenan.
Halani ai, halak na proaktif laho marsibere-bere marhitei galangan ibagas bulus ni uhur aima halak na mangkorjahon sikap marsibere-bere marhitei kesadaran. Perilaku manggalang na luar marhitei sikap on aima sidea mambere marhitei hasil atap produk humbani kesadaran. Pilihan etis moril ni itontuhon oleh nilai janah sedo halani kondisi eksternal atappe kondisi internal perasaan. Halani ai halak na manggalang marhitei sikap na proaktif aima halak na bebas humbani sikap tertekan atap ancaman. Sidea on marbeda humbani halak na manggalang marhitei sikap na reaktif. Manggalang marhitei sikap na reaktif aima halak na manggalangkon galanganni na bueinan itontuhon kondisi eksternal ampa internal. Ijin kondisi eksternal ampa internal mendukung ijin ma sidea manggalang. Tapi ijin kondisi eksternal pakon internal maseda, terluka, ampa kurang mendukung ijin ma homa sidea soh manggalang atap mambere. Sidea on ma na ginoran bersikap deterministis. Sasintngni sidea on lang memiliki kebebasan, halani sidea on bueinan ikendalihon situasi eksternal pakon internal.
e.Sedo Spiritualitas Panggung
Kadang roh do sungkun-sungkun ibagas uhur marhitei na mangidah perbedaan na nyata hasilni na manggalang hulobei ampa na padalan galangan bani bangku. Somalni bueinan do jumlahni galangan hulobei marimbang galangan na ipatumpu marhitei na ipadalan.
Seolah-olah adong efek “psikologis” na mempengaruhi jemaat na ija teknis penyerahan galangan na iataruhkon hulobei marimbang soh bani bangku. Hape sasintongni masalah on lang pitah sekedar masalah “teknis” soal manggalang hulobei atap hundul. Tapi ra in aima masalah psikologis na ija pangahapni warga jemaat ibagas na mambere galangan. Hunjin sasintongni taridah do karakter dasar ampa spiritualitas ni pagorini kuria. Kuria in akan merasa lebih luhur ijin sidea manggalangkon galanganni hulobei. Sidea mengekpresikan kecenderungan sikap reaktif atap sikap proaktif? Pahara on porlu jelas humbanta ibagas na manggalang. Ulang ibahen hita manggalang sebagai hataridahanni “spiritualitas panggung na ija ibahen proses manggalang ai sebagai arena tontonan. Terdorong kuria in laho manggalang halani ijin sidea manggalang sidea menjadi pusat perhatian. Halani ai motif si sonon porlu ihindari hita halani sibere-bere galangan ni sidea selalu diukur marhitei penilaian orang lain.
Bani Markus 12:38-40 ipatalar do sonaha Tuhan Jesus pagolpahon susianNi ase ulang mengikuti jejak spiritualitas ni sibotoh surat na rosuh mencari pujian dan kehormatan ilobeini buei halak. Spiritualitas panggung somalni aima sikap na paetekhon Naibata ampa pambahenanNi marhitei na mambahen in gabe tontonan murahan, janah bani panorang na sarupa sidea sedang merebut kemuliaan Allah untuk kepentingan diri sendiri. Sikap on menghadirkan sikap munafik ampa daoh humbani pambahenan holong hubani Naibata ampa hubani hasoman jolma.
f. Motif ampa Teologi
gati do homa ipahami makna ni galangan pitah sekdar kewajiban agama. Kuria in merasa wajib mamberehkon galangan ase Naibata mambere pasu-pasu. Halani ai hotop do kuria in mambere buei ase sidea mandapot pasu-pasu na buei homa. Sikap si sonon on sasintongni secara tidak sadar pataridahkon ungkapan motif ampa pangarusion secara teologis.
Galangan na igalangkon hita mengungkapkan isi harapan, keinginan ampa tujuan na menjadi dasar motivasi ibagas na mambere. Sekaligus do homa marhitei galangan terungkap sonaha gambaran ni kuria in pasal Naibata. anggo ipahami kuria in do Naibata sebagai pribadi ilahi na boi ipengaruhi jumlah atap banggalni galangan sidea on sirsir ma manggalangkon na dong bani sabanggal-banggali halani iharapkon sidea Naibata pe homa mambere banggal ampa buei hubani sidea. Motif teologia ni aima Naibata na boi ibere sisip (suap) marhitei jumlahni galangan. Padahal bani ha-kristenonta Naibata aima sedo Naibata na boi ipengaruhi marhitei galangan.
Lepak do motivasi si sonon songon na isuratkon bani Jesaya 1:11 pakon Markus 12:42. Nini Tuhan Jesus bani Markus 12:42 paboa bueinan do na ibere inang namabalu ai marimbang sidea na pamasukkon hubani ianan panggalangan ai. Humbani sudut ekonomi lang mararti buei ni galangan ni inang namabalu on marimbang na legan. Tapi nini Tuhan Jesus inang on mambere marhitei haganup nadong bani ampa humbani uhur na bulus.
Halani ai motif teologi ibagas na manggalang aima hataridahanni galangan na manggoluh ampa menyeluruh hubani Naibata songon na isobut Paulus bani Roma 12:1.
Sikap ibagas na mambere galangan
Nini 2 Korint 9:7b: ai ihaholongi Naibata do halak na malas uhur mambere. Semboyan on aima sumbangan teologia ni Paulus. Sikap on do homa na boi iterjemahkon hita marhitei sapuluh sikap ibagas na manggalang aima;
1.Memberi dengan semangat
Mambere atap manggalang aima merupakan charisma (Rom 12:8) aima hadiah ni Naibata na patupahon idopni uhurni hubani hita jolma na mambahen hita mampu laho mambere dengan murah hati. Songon na isuratkon bani 2 Korintus 9:8( baca bersama-sama). Halani ai barang ise na marjumpah pakon holong ampa idopni uhurni Naibata akan diberdayakan laho mambere ibagas kelimpahan. Halani ai ijin idalankon hita prinsip hidup si sonin, jumpah hita ma songon na tarsurat bani Lahoan 20:35; martuahan do na mambere marimbang na manjalo.
2.Memberi berdasarkan informasi
Mark Twain sahalak penulis Amerika ongga do manuratkon ampa padaskon sada kisah: ongga do hutangar sada ambilan na padaskon pasal misi hubani halak kafir. Dob honsi lima menit manangar ambilan, huputushon ma manggalang 50 Dolar. Dob sapuluh menit, hupikkiri, sukkup ma 40 Dolar, lewat satongah jam, hupikkiri use, 10 Dolar pe sukkup ma. Dob honsi sajam manangar ambilan, hubuat ma na 10 Dolar ai humbani tanganku anjaha husimpan. Haganupan ai aima halani marhitei ambilan na hutangar informasi na ipatugah aima bertele-tele ampa lang akurat.
Halani ai itongah-tongahni kuria pe porlu do patugahon informasi na jelas pasal pardalanni galangan na ipatorang marhitei penjelasan na rinci, anjaha lang bertele-tele. Nini Mark Twain do: keputusan untuk memberi dengan kemurahan bukan dengan akal saja, melainkan dengan hati! Akal membuka pundi-pundi, hati menentukan berapa yang diambil dari pundi-pundi itu.
Halani ai hubani kuria na mambere, porlu do ibere informasi khusus marhitei informasi na akurat, ampa singkat.
3.Memberi dengan sukarela dan sukacita
Mambere ibagas malas ni uhur aima jawaban hubani na dob ibere Naibata hubanta pasu-pasu na banggal anjaha mardapot-dapot. Sonai ma homa ibere hita bentukni galanganta na tujuanni aima pengumpulan galangan untuk tujuan khusus.
4.Memberi dengan Kemampuan yang ada
Bere ma domu hubani kemampuan na adong banta (1 Kor.16:2)
5.Memberi dengan murah hati
Domma ipasomal GKPS galangan perpuluhan. mambere perpuluhan aima ekspresi iman yang teguh. Tapi on lang idalankon marhitei paksaan. Halani ai sikap yang memberi dengan murah hati aima sikap na boi ibahen hita ase disiplin ampa teratur hita mambere perpuluhan. Sikap on isuratkon do bani 2 Korint 9:2
6.Memberi dengan tulus iklas
Mambere ampa mengelola galangan dengan tulus iklas aima tuntutanni masyarakat ampa gereja. Halani ai ibagas na membere galangan ampa mengelola ibutuhkon do sikap uhur na tulus ikhlas anjaha terarah dompak Naibata ampa marhabiaran dompak Naibata.
7.Memberi dengan tekun
Ase boi memberi dengan tekun ibutuhkon do 3 hal aima : kesungguhan, kehendak yang bulat dan tekad yang bulat untuk melaksanakan sampai tuntas. Memberi dengan tekun berarti memberi seumur hidup, namararti do ai memberi secara menetap (Bdk. 1Korint 16:2). Memberi dengan tekun mararti do homa maluah humbani kekuatiran pasal aha na sihol ibalanjahon ban ari patar (Bdk. Pilippi 4:19)
8.Memberi diri sendiri (2 Kor 8:5)
Paulus domma mambere contoh nyata pasal memberi diri sendiri. Artini haganup na adong banta ningon ialamatkon bahen hamuliaon ni Naibata na ija Naibata aima na mambahen hita dong ampa mambahen hita sempurna. Kesempurnaan nadong banta aima homa bulat ibere hita na gabe galangan
9.Memberi dengan teratur dan tertib
Bani 2 Korint 8:22- 23 ipatorang Paulus do sonaha pasal si Titus sebagai hasomanni Paulus na secara teratur pataridahkon perkembangan iman na sintong dompak Naibata. Sonai do homa sikap ampa keteraturan na sihol luar humbanta marhitei sikap na tertib ibagas na manggalang.
10.Memberi dengan ucapan syukur dan puji-pujian.
Bani 2 Korint 9:15 (basa) jelas do isobut Paulus pasal sikap na patut laho mamuji Naibata. Sonai do homa hita talup ibagas sikap manggalang (Bdk. 1 Kronika 29:13-14, 16-17). Hita mambere halani domma ibere Naibata banta.
Panutup
Domma buei isahapi hita pasal galangan ampa sonaha do sikap ampa motivasi na sintong pasal galangan. Tujuanni haganupan in aima ase hita btul-botul manghagoluhkon ai sebagai model hidup na memnuntun hita manjadi saksi ni Kristus. Halani ai lambin pasintong hita ma goluhta sebagai goluh na gok ibagas panggalangon halani buei do kesempatan ai ibere Naibata hubanta. Na songon pangibulini akuhon hita ma songon nini Haleluya No. 12:3
Tonduy, daging, uhur ampa gogohnin,
Ulang bai na sambor sai Bamu ma in
Ningon gok Bamu ma au hinopkopMu
Ase saud martuah au jabolonMu
Bahan Diskusi
1. Ahado deba masalah ampa prinsip na idalankon ampa ihagoluhkon hita pasal panggalangon na sadokah on idalankon hita?
2. Aha do sikap na baru na jumpah ham ibagas na manggalang marhitei materi pembinaan on?
3. Aha do sikap na baru na maningon ihagoluhkon ham hataridahanni goluh na maningon gok ibagas panggalangon dompak Tuhan?
4. Boi ma pungkahonta manggalangkon galangan perpuluhan secara teratur ampa tertib, aha do kendala ampa masalah ase lang mardalan ope on hubani deba hita on?
Pematang Siantar, Pebruari 2011
